[Testo di "Santa Malatia"]

Vulissi moriri rintra i to vrazza
Vulissi cariri rintra ri tia
Mi facisti scurdari u patri nostru
A miegghiu parti ri l'ave maria

Cunzati li tabbuta a unu a unu
Nun c'è cunzolu p'u lamientu miu
Annìu pi siempri rintra una bagnina
Lassata sutta all'acqua in mienzu a' via

E iu ri notti ti viegnu a 'rrubbari
A to biddizza er a to malatia;
U sangu tuu m'è bienere a sucari
E minni tornu nna me lagnusia

Amuri amuri 'un ti sacciu pruvari
Mancu sutta una luna chi aggiarnìa
Nun c'è piaciri ca mi pò addattari
Iu manciu manciu manciu e 'un mi sazìu

U scuru ri stanotti m'arrivisci
E sientu ca c'è un straniu rintra i mia
Nun sacciu zoccu vuoli, 'i runni niesci:
Iddu 'un parra a me lingua, iu 'un parru a sua

E viru tutt'a gienti strammiari
I facci inturciuniati nna fuddia
A raggia o' cuori e l'occhi cagghiati
Risate ri minnitta a litania

Haju una malatia rintra i me' vini
Oh, matri mia ti priu aiutami tu!
C'un rosariu ti liu nno to tistali
Nei rini ri Maria scurri Gesù

Amuri amuri chi m'ha fattu fari
M'ha fattu fari una grande pazzia!
Mi muzzicaru ragni, sierpi e lapi:
Purtatimi nni Santa Rusulia!

Haju un fruttu carutu mille voti
U strinciu finu a quannu nun sgracchìa
Nuddu mi pigghia cchiù, nuddu mi vuoli
E dunnegghiè u silenzio scaccania

U straniu chi haju rintra mi cumanna
È iddu u patruni a' casa mia;
È chista la me cruci, a me cunnanna:
Purtatimi nni Santa Rusulia!

Oh, patri miu, chi mi facisti fari !
U cuori m'attangò n’ona burnia
Er 'u abbuddò nnu mienzu ri lu mari
E nnu me piettu una burnia ri sali

Amuri amuri chi m'ha fattu fari !
M'ha fattu fari una grande pazzia!
Santa Malatia, Santa Malatia!
Si 'un ci fussi tu runni fussi iu

Iu ca Maruonna ci vogghiu abballari
Ci vogghiu dari tuttu lu me amuri!
Ci vogghiu dari tuttu u me cuori!
Ci vogghiu dari tutta a me fuddia!
Ci vogghiu dari tuttu u me duluri!
Ci vogghiu dari tutta a me fuddia!
Ci vogghiu dari tuttu u me piaciri!
Ci vogghiu dari tutta a me fuddia!
Ci vogghiu dari tuttu u me onuri!
Ci vogghiu dari tutta a me fuddia!

Vulissi moriri rintra i to vrazza
Vulissi cariri rintra ri tia
Mi facisti scurdari u patri nostru
A miegghiu parti ri l'Ave Maria